BIDE ERTZEAN

“Nola belztu behar zuria”, Lizardiren Baratza irratsaioan

2014/09/26 -an idatzia

beve

Metrokoadroka kolektiboarekin batera landu dugu “Nola belztu behar zuria” ikuskizuna. Dagoeneko bi saio eskaini ditugu, bat Usurbilen eta bestea Donostiako Poesia Orduetan. Euskadi Irratian, Lizardiren Baratza irratsaioan, hizpide izan zuten Joxan Artzeren inguruan osatu dugun emanaldia.  Zzueneko emisioa galdu bazenuen, hementxe duzu irratsaioaren podcast delakoa.

Argiaren aldeko kontzertua

2014/09/25 -an idatzia

argiaeguna

Argia astekariaren aldeko kantaldia egingo da ostiral honetan, irailak 26, Lasarte-Orian. “Komunikazio proiektuak Lasarte-Orian du egoitza nagusia. Bezperako kontzertua Lasarten antolatuz esker ona adierazi nahi diogu herriari eta bertako euskaltzaleei”, argia.com orrian irakurri dugunez.

Mikel Urdangarin, Anari, Pier Paul Berzaitz, Petti, Estitxu Pinatxo, Alboka Taldea eta Jon Basagurenekin batera arituko gara zuzenean, 22:00etatik aurrera Lasarte-Oriako Kultur Etxean. Eta hasiera batean behintzat, bi kantu eskainiko ditugu. Sarrerak aldez aurretik eskura daitezke Lasarte-Orian (Argian, Jalgin eta Kulturetxean, Hernanin (Oinddi eta Txili tabernetan), Usurbilen (Bordatxo tabernan) eta Kutxabank sarrerak bitartez.

Sarrera: 15 euro.

 

“Nola belztu behar zuria” ikuskizunaren saio berri bat

2014/09/05 -an idatzia

Artze

Joxan Artzek “Heriotzaren ataria dugu bizitza” eta “Bizitzaren atea dukegu heriotza” izeneko poesia liburuak kaleratu ditu Elkar argitaletxearen eskutik. Bertako poemak oinarri hartuta poesia eta musika emanaldia sortu dugu Bide Ertzean taldekook eta Metrokoadroka kolektiboko Oier Guillan eta Asier Sarasola deklamatzaileek: zazpi poema kanta bihurtu eta beste hogei inguru errezitatuko ditugu. Lehen saioa Usurbilen eskaini genuen, eta bigarrena Donostian izango da, irailaren 9an asteartea, Victoria Eugenia Club aretoan.

(gehiago…)