Irailak 30
asteazkena
prentsaurrekoa
12:00 FNAC
Donostia

Imanol Ubeda

Karlos Arancegui

Joserra Senperena

Fran Iturbe

Joni Ubeda

Kamiseta posta bidez erosi nahi duzuenok, idatzi bide-ertzean@hotmail.com posta elektronikora.

Etxeko posta helbidea
eta taila zehaztu (baita mutilarentzat edo neskarentzat den).

10 euro + Posta gastua

Ederra

2009ko urtarrilaren 18a:

"Horrela laburtuko dugu urtarrilaren 16ko kontzertu-ospakizuna. Taula gainean izan ginenok zein alboan izan genituen teknikari eta laguntzaileek ordu asko egin genituen lanean. Orain, lana behar bezala bukatzea baino ez zaigu falta. Ea berandu baino lehen, buruan dugun CD-DVDa plazaratzeko moduan garen. Lerro hauen bitartez, eskerrak eman nahi dizkiegu denei. Baina bereziki, Leidorrera hurbildu zineten lagun guztioi. Hunkigarria izan zen jaso genuen harrera. Festak Mescal tabernan izan zuen jarraipena. Laster arte, lagunok. Kantuari keinu eginez, zuekin kantatzeko jaio bide ginen mundura".

::: Bide ertzean, kantu berriak grabatzen ari gara

Disko berriari azken ukituak ematen

Udazkenean argitatatuko du Gaztelupeko Hotsak-ek

Egun hauetan, Andoaingo Garate estudioan gabiltza, disko berria izango dena amaitzen. Grabazioak udaberrian amaitu genituen, baina egun hauetan nahasketak egiten gabiltza.

13 abestiren bueltan ari gara lanean. 2002an "Maite Out" diskoa plazaratu genuenetik hona egin dugun bezalaxe, honakoan ere boskote moduan ondu ditugu abesti berriak. Joserra Senperenak pianoa, hammond organoa eta sintetizadorea baliatu ditu. Fran Iturbe gitarran izan da, elektrikoan nahiz akustikoan. Eta hauekin batera, Trio fantastikoa: Karlos Arancegui baterijolea, Joni Ubeda gitarra apalarekin eta kantuan zein gitarra jotzen, Imanol Ubeda.

Okerrik ez bada bidean, udazkenean ikusiko du argia lan berriak eta Gaztelupeko Hotsak zigiluak plazaratuko du. Kantu berrien artean da azken aldian zuzenean eskaini dugun hauxe, San Josera bidean.

Bide Ertzean Trio, ekainean
Zarautzen eta Elgetan

Ekainak 12 Zarautz | Ekainak 13 Elgeta

Hiru ginen hasieran. Bost gara orain. Baina hiru izango gara taulagainean datozen emanaldietan. Dagoeneko Agendan dituzue Bide Ertzean Trio moduan eskainiko ditugun saioen xehetasunak.

Hirukote bezala hasi ginen 1998an, Karlos Arancegui eta ubedatarrak. Boskote gara orain. Hala egin ditugu azken diskoak. Baina datozen kontzertuetan, ordea, hasiera hasierako eredura itzuliko gara.

Berezia bezain bitxia izango da. Baina ez nahastu gero. Soilik udaberri honetan iraungo duen “esperimentua” izango da.

Saio hauek egin eta, segidan, Fran Iturbe eta Joserra Senperenarekin batera jarriko gara lanean berriz ere; hurrengo diskoa izango dena biribiltzera.

Izenak jazz ukitua duen arren, Bide Ertzean Trio ez da taldearen planteamenduetatik hainbeste urrunduko. Baina formazioa bezala, errepertorioa ere ezberdina izango da. Hasiera-hasierako doinu batzuk berreskuratuko ditugu eta berri-berriak diren abesti batzuk ere eskainiko ditugu.
Esan dugu arestian. Hiru ginen hasieran. Bost gara orain. Baina hiru arituko gara taulagainean datozen emanaldietan. Gu hirurak behintzat, irrikitan gaude.

Eskerrak emateko garaia

Doku-bideoa martxoa'10 ©Handcamera: J.Ubeda

Elorrioko Ateneoko partaideak, Eskoriatzako Aitzorrotz elkartea-Inkernu tabernako partaideak, Gasteizko
Jimmy Jazz aretoko kideak, Donostia Kulturako nahiz Lugaritzeko lantaldea eta Gernikako gaztetxeko kideak... esker mila bihotzez.
Ez dugu berehalakoan ahaztuko. Bildutako ikusleei ere eskerrik asko. Laster arte!

Bide ertzean Gasteizen,
Donostian eta Gernikan

Zuzenean: Martxoak 18 | 19 | 25 | 26 | 28


Bide Ertzean taldeak bira txiki bat egingo du hurrengo hamabostaldian. Laukote moduan arituko dira, Ubeda anaiak, Fran Iturbe gitarra-jolea eta Karlos Aranzegi baterijolea. “Leidor sessions” zuzeneko CD-DVDa plazaratu zuten Durangoko Azokan eta dagoeneko hasi dira lan berriena izango dena prestatzen.

Aste honetan, hiru kontzertu eskainiko dituzte:

Martxoak 25 osteguna 21:00h
GASTEIZ Jimmy Jazz aretoa (Coronacion, 4)
Sarrerak: aretoan salgai

Martxoak 26 ostirala 21:00h
DONOSTIA Lugaritz Kultur Etxea (Antigua auzoa)
Sarrerak salgai aretoan bertan eta www.kutxa.net

Martxoak 28 igandea 19:30h
GERNIKA Gaztetxea
Sarrerak egunean bertan aretoan salgai.

Aurreko astekoak:

Martxoak 18 osteguna, Elorrioko Arriolan, 22:30ean (sarrerak aretoan salgai).

Martxoak 19 ostirala, Eskoriatzako Unibertsitateko aulan, 22:30ean (sarrerak Inkernu tabernan salgai).

Urtea amaitu eta hasi,
lan eta lan

Zuzenean: Iturbe, Aranzegi eta Ubeda anaiak

"Leidor Sessions" aurkeztu zen udazkenean eta harekin batera iritsi ziren azaroko emanaldiak. Ordutik hona taldearen ikusentzunezkoa ikusi ahal izan da, Ima-Joni-Karlos hirukote modura showcase-akustikoak eskaintzen aritu da hainbat hiriburuetan... Eta, gainera, Gorka Urbizu lagun handiarekin Colemans+ sortu dute. 2010eko martxoan, berriro ere, Tolosako hirukotea Fran Iturberekin batera zuzenean eta taulagainean arituko da. Laster, data berriak iragarriko dira.

"Leidor Sessions" saio berezia ETB3 katean

Urtarrilak 16, larunbata| Grabazioaren urteurrena

Datorren larunbatean urtebete egingo du "Leidor Sessions" grabatu zela. Haren ondotik CD-DVDa argitara eman dira eta zine jaialdietarako 64 minutuko dokumentala prestatu da. ETB3ko arduradunek grabaketaren urteurrenean gau berezia prestatu dute. Dokumentala eskaintzeaz gain, dokumentalaren aurretik egun hauetan Karlosi eta Ubeda anaiei egindako elkarrizketa eskainiko dute.

Showcase-ak hiriburuetan

Karlos, Imanol eta Joniren eskutik hitza eta doinua

2010 Otsaila
18 Osteguna. Gasteiz, Elkar. Akustikoa. 19:00.
San Prudencio 7

2010 Urtarrila
14 Osteguna. Bilbo, FNAC saltokia. 19:00.

Abendua
02 Asteazkena. Iruñea, Elkar. Akustikoa. 19:00.
05 Larunbata. Durango, Ahotsenea. Aurkezpena. 17:00.
09 Asteazkena. Donosti, Fnac. Akustikoa. 19:00.

Azaroa
26 Osteguna. Bilbo, Elkar. Akustikoa. 19:00.
27 Ostirala. Baiona, Elkar. Akustikoa. 17:30.

"Graffitti" kantua

Kantuak bisita kopuru polita pilatu du Youtuben

Bide Ertzean taldeak 10 urte bete ditu. Urteurrena behar bezala ospatzeko, jaialdi berezia eskaini zuten Tolosako Leidor aretoan. Emanaldia hunkigarria izan zen. Aparta. Errepikaezina. Ubeda anaiak, Karlos Aranzegi, Fran Iturbe eta Joserra Senperena, unerik gozoenean.
Zuzeneko CD-DVD honetan, disko guztietako kantuak daude eta baita kantu berri bat ere. Raul Lopezek zuzendu duen DVDan, gainera, taldeari buruzko dokumental bat bildu da.

"Hamar urteko ibilbidea jasotzen duen zuzeneko disko bat eta DVD bat grabatu ditu Bide Ertzean taldeak Tolosako Leidor aretoan, bi orduko emanaldi biribilean. Teknikoki eta artistikoki, akatsik gabea".
Jon Eskisabel (Berria, 18.01.2009)

"Este quinteto es una de las mejores formaciones de pop no ya euskaldun, sino estatal, dueños de un discurso personal afianzado que gana enteros a cada paso que dan".
Arturo García (El Diario Vasco, 18.01.2009)

Dock of the Bay festibala,
gaur Leidor Sessions

Azaroak 27, ostirala | Donostia, Antzoki zaharra

SARRERAK SALGAI. Donostian, duela hiru urte hasi ziren zine dokumental musikatuaren jaialdia antolatzen. Dock of the bay festibalean, hala du izena jaialdiak, nazioarteko dokumental interesgarrienak eskaini ohi dituzte. Aurten, hirugarren edizioan, Bide Ertzeanen "Leidor Sessions" ikusentzunezkoa emango dute.
Modus Operandi ekoiztetxekoek, edizio berezia prestatu dute okasiorako: 63 minutuko proiekzioa, Betacam Digital euskarrian. Kantuak eta elkarrizketak tartekatuko dira proiekzio honetan zehar.
Azaroaren 27an, ostiralarekin, arratsaldeko 19:45ean emango dute Donostiako Antzoki Zaharrean.

Bide Ertzean
"13 rosas rojas"

"Leidor Sessions", CD-DVD (Gaztelupeko Hotsak)

Leidorreko emanaldi-grabaketa amaierara iritsi zen, bigarrenez taldekideak taulagainera igo ziren bisa eskaintzera. Ikusleek eskatuta, hirugarrenez igo ziren taulagainera eta unplugged erara "13 rosas rojas" kantuarekin agurtu ziren. Askorentzat, gaueko unerik majikoena.

DVDan ezkutuan dagoen kantua da. Zer egin hura ikusteko? Pauso hauek jarraitu:
1. Kantuak atalean sartu.
2.Azken kanturaino kurtsorearekin jaitsi.
3.Ezkerreko (left) botoiari eman.
4.Kantariaren gainean argi gorria pizten da. 5.Eureka! Bertan klik egin edo Play eman.

Bide Ertzean zuzenean
Bergarako Zabalotegin

Azaroaren hasieran aurkezpen kontzertuak

2009ko azaroko saioen
kartela

Joseba Ponce diseinatzaileak egina

Urriaren 23an
proiekzioa Tolosan

20:30ean hasiko da eta sarrera doan izango da

Urtarrilaren 16an errejistratu genuen "Leidor Sessions", Tolosako Leidor Antzokian grabatu genuen zuzeneko CD-DVDa. Hamar hilabete ondoren, Leidor antzokian bertan ikus ahal izango dugu DVDa. Ostiral honetan, urriak 23, arratsaldeko 20:30ean Leidorren bertan hasiko da proiekzioa eta sarrera doan izango da. Proiekzioan, Bide Ertzeanen hainbat kantu ikus eta entzun ahal izango dituzue. Baita Leidor Sessions DVDko dokumentalean parte hartu duten hainbat gonbidatuen adierazpenak ere: Kirmen Uribe, Iñigo Aranbarri, Jose Luis Otamendi, Gorka Urbizu (Berri Txarrak), Kaki Arkarazo....
60 minutuko iraupena izango du ostiral honetan Leidorren ikus ahal izango den proiekzioak. Nahi duenak, emanaldiaren hasieran zein amaieran, CD-DVDak eta kamisetak erosteko aukera izango du, Leidorren atarian ipiniko den salmenta puntuan.