BIDE ERTZEAN

Posts Tagged ‘live’

Urteko azken igandean, Donostiako Altxerri aretoan

2014/12/22 -an idatzia

Maiz izan gara Altxerri aretoan. Ondo gogoan ditugu Mikel Azpirozek edota Matt Hardingek eskaini izan dituzten emanaldiak, besteak beste. Maiz izan garen arren, Bide Ertzean talde gisa sekula ez dugu jo bertan. Eta horregatik, ohore handia da guretzat hau jakinaraztea: abenduaren 28an igandea, Donostiako Altxerri areto mitikoan izango gara. 20:00etan hasiko da kontzertua eta erabat akustikoa izango da.

77 diskoa (Gaztelupeko Hotsak) aurkezten ari gara hilabete hauetan, baina Altxerriko saioa ezberdina izango da. Disko berriko abesti batzuk jotzeaz gain, aurreko diskoetako kantu akustiko batzuk ere ekarriko ditugu gogora.

Bide Ertzean, Altxerri Bar&Jazz
Abenduak 28, igandea. 20:00. 5 euro.

Lezon eta Elizondon barrena, Artze kantugai harturik

2014/12/11 -an idatzia

Artze

Metrokoadroka kolektiboarekin batera landu genuen “Nola belztu behar zuria” ikuskizuna. Joxan Artzeren poesia berriari heltzeko enkargua egin ziguten Usurbil aldean, eta bidelagun izan genituen Oier Guillan eta Asier Sarasola deklamatzaileak. Udaberrian eskaini genuen lehen saioa, Usurbilgo Sutegi kultur etxean. Donostiako Poesia Orduetan eta Ondarroako Literatur Amuak zikloan aritu ginen ondoren. Bi hitzordu berri iragartzeko moduan gaude. Abenduaren 20an larunbata Lezon izango gara eta abenduaren 21ean igandea Elizondon. Xehetasun gehiago, Emanaldiak atalean.

Ostiral honetan Igeldon zuzenean

2014/09/03 -an idatzia

Kutxa Kultur Festibalean arituko gara ostiral honetan, 19:15etan hasita. Gurekin batera, bertako eta nazioarteko talde ugari. Antzeko jaialdiekin alderatuta, sarrera ez da hain garestia. Eta eguraldia ona izanez gero, plana polita da.

igel